Mjeku I Donald Trump deklaroi edhe një herë se gjendja e presidentit është e qëndrueshme, ai nuk ka paraqitur më simptoma të sëmundjes, dhe duket se është vërtet mjaft mirë. “ Ndihem shkëlqyeshëm”, citohet të ketë thënë shefi I Shtëpisë së Bardhë. Ndërkohë, analizat laboratorike duket kanë treguar se në sistemin e presidentit ka prani antitrupash të Covid 19, dhe kjo ngre pyetjen se kur e ka marrë vërtet virusin. Studimet e deritanishme tregojnë se antitrupat ndaj kësaj sëmundjeje nuk krijohen përpara javës së dytë nga shfaqja e simptomave. Trump dhe Melania Trump u diagnostikuan me koronavirus në 2 tetor. Tre ditë më vonë, presidenti u largua nga spitali I Washingtonit ku ishte shtruar dhe u tha amerikanëve të mos frikësohen nga koronavirusi dhe të mos lejojnë që ai tu dominojë jetën pasi shtetit “ do ta mposhtë sëmundjen ilaçet më të mira dhe vaksina”. Trump, që shtyu një sërë eventesh pas infektimit, është zotuar t’iu rikthehet sërish aktiviteteve.