Anijet me flamuj rus kanë dërguar grurin e korrur në Ukrainë sezonin e kaluar në siri. Kompania e imazheve satelitore Maxar tha të enjten se kishte gjurmuar dy anije me flamuj rus të ankoruara në portin e kontrolluar nga rusia në Krime, Sevastopol, në maj, që ngarkoheshin me grurë. Ditë më vonë, satelitët përcollën imazhe të të njëjtave anije të ankoruara në siri, që po shkarkoheshin me kamionët që ishin në pritje të transportit në pjesë të tjera të vendit. Siria dhe Rusia janë aleatë mes tyre. Kompania tha se edhe një tjetër imazh i qershorit tregonte një anije të ndryshme që mbushej me grurë në sevastopol. Ukraina ka akuzuar rusinë se po vjedh grurin nga territoret që forcat ruse e kanë marrë nën kontroll. Lufta kërcënon të shkaktojë mungesë drastike ushqimesh ndërsa rusia dhe ukraina zënë rreth 29 për qind të eksporteve globale të grurit.