Mes kryeministrit Edi Rama dhe Partisë Demokratike sot ka pasur replika në distancë për takimet elektorale që lideri demokrat bëri me qytetarët në Fier. I pari që reagoi ishte kryeministri Rama, i cili në postimin e parë shkruan: “DY BOTË – Njëra lufton për të shpëtuar jetën e të gjithëve pa dallim, tjetra bën përsheshe me virus për politikë pa din e as iman…, duke shtuar me tej se vijon vaksinimi masiv në gjithë Shqipërinë. Vazhdon paralelisht edhe infektimi masiv, për vete hipur mbi makinë, nën këmbë ta hajë kush ta hajë”, mbyll postimin Rama, ndërsa shkrimin e shoqëron me dy foto, njëra nga procesi i vaksinimit dhe tjetra nga takimi i Bashes. Pas kësaj nuk ka vonuar reagimi nga selia blu, duke i shpeguar akuzat e kryeministri Rama, si frikë e tij nga qytetarët. “Rama ndihet i frikësuar nga qytetarët e Shqipërisë që duan të sjellin ndryshimin që i nevojitet vendit tonë. Ka vetëm dy mundësi: një lider që punon për ju, për të sjellë ndryshimin që i nevojitet Shqipërisë, për t’i përmirësuar jetët tona, ose Rama i cili dështoi për 8 vite dhe ua dha Shqipërinë oligarkëve. Më 25 prill, Shqipëria do të fitojë dhe Rama do të humbë”, mbyll deklaratën Partia Demokratike, shënjestruar kreut të qeverisë.