Kandidatja femër më e votuar në zgjedhjet parlametare të 25 prillit është ministrja e infrastrukturës Belinda Balluku. E pyetur në emisionin breaking ne top news lidhur me rezultatin e partisë socialiste, Balluku tha se e priste fitoren e mandatit të tretë. E prisnit një numër kaq të lartë votash për ju?Në tetor kam shkelur në Kombinat dhe për 6 muaj kam komunikuar me njerëzit atje. Janë të kënaqur me faktin se unë do ti përfaqësoj në Parlament, ata njerëz të njohin punën. Por nuk jam nga ata që harroj se vota preferenciale është vota e PS-së dhe e Edi Ramës. Unë e di se asnjëri nga ne nuk do të kishte aq shumë vota nëse nuk do të ishte Partia Socialiste dhe Edi Rama, jam e qartë dhe me këmbë në tokë. Gjithashtu Baluku tregoi se në katër vitet e ardhshme, puna e saj do të fokusohet aty ku do partia. "Do vijoj me të njëjtin ritëm, kudo. Jam person që nuk trembem nga sfidat… E pyetur edhe për rolin rolin e presidnentit Meta në këto zgjedhje të 25 prillit, Balluku tha se është e patolerushme thirrja e presidentit për dhunë. E para, fakti që institucioni i presidentit është përfshirë në këtë fushatë është shqetësuese. Nuk kemi parë asnjë president më përpara që të kenë pasur një përfshirje në zgjedhje. Është e patolerueshme thirrja për dhunë, më ka lënë pa fjalë dhe jam shqetësuar si qytetare e Republikës së Shqipërisë.