Mijëra njerëz u larguan nga shtëpitë e tyre rreth Athinës të hënën pasi erërat e forta I përhapën flakët më afër kryeqytetit grek. Gati 700 zjarrfikës dhe mbi 30 avionë luftuan me flakët që kishin avancuar në periferitë e jashtme të qytetit pranë malit Pentelikon. Autoritetet hapën stadiumin olimpik në Athinën veriore dhe stadiume të tjera për të strehuar ata që ikin. Tre spitale të mëdha janë vendosur në gatishmëri.Një zjarrfikës pësoi djegie të rënda, një tjetër u shtrua në spital me probleme në frymëmarrje. Po ashtu13 persona të tjerë u trajtuan për probleme më të lehta të frymëmarrjes, tha zëdhënësi i brigadës së zjarrfikësve. Halandri u bë bashkia e fundit periferike që urdhëroi evakuimin e pjesshëm të zonave të kërcënuara nga flakët. “Për shkak të drejtimit të erës ne kemi vendosur për një evakuim paraprak”, tha kryebashkiaku i saj për ERT. “Zjarri është shumë afër”. Pamjet televizive treguan flakët që digjeshin mes shtëpive në Nea Penteli, një periferi me gjethe të Athinës, e cila u tha gjithashtu banorëve të zhvendoseshin.