Donald Trump ka thënë se plani i tij për të marrë Grenlandën ishte motivuar nga refuzimi për Çmimin Nobel për Paqen. Trump i tha kryeministrit të Norvegjisë Jonas Gahr Store në një letër se në shenjë hakmarrjeje për mosmarrjen e çmimit, "nuk ndiente më detyrimin të mendonte thjesht për paqen" dhe se do të merrte në konsideratë "atë që është më e mirë dhe më e përshtatshme për Shtetet e Bashkuara të Amerikës". Ai gjithashtu fajësoi Danimarkën për pamundësinë për të mbrojtur ishullin nga Rusia dhe vuri në dyshim pronësinë e vendit mbi Grenlandën. "Danimarka nuk mund ta mbrojë atë tokë nga Rusia apo Kina, dhe pse ajo ka një 'të drejtë pronësie' gjithsesi?" shkroi ai. "Nuk ka dokumente të shkruara, vetëm se një anije zbarkoi atje qindra vjet më parë, edhe ne kishim anije që zbarkuan atje".