Gjykata e Tiranës ka dënuar me 25 vite burg Isuf Hasën, autorin e vrasjes së mikut të tij Xhemal Meta, ngjarje e shënuar në fshatin Shëngjergj të Tiranës në datë 13 Janar 2025. I moshuari u cilësua fajtor për akuzën “vjedhja me pasojë vdekjen”. Isuf Hasa ishte fqinj me viktimën. Sipas deklaratës së policisë në atë kohë, Hasa shkoi në banesën e Metës, e goditi me çekiç në kokë dhe më pas i vodhi paratë që ai kishte në xhep, shumën prej 200 mijë lekësh.