Një grup i trafikut të armëve u godit nga policia këtë të premte. Këto janë momentet kur agjentët e operacionales prangosin disa prej të akuzuarve. Në total u arrestuan 10 persona. Ata trafikonin armë, kryesisht pistoleta, nga Kosova drejt Shqipërisë ku dhe më pas i shisnin për shuma që varionin nga 500 deri në 1500 eruo apo dhe më shumë. Në krye të grupit qëndronte Altin Pajaziti dhe Kadri Prushi, të cilët siguronin armët, kryesisht nga Kosova, dhe më pas i fusnin në territorin shqiptar. Armët mësohet se i fshihnin brenda motorëve të automjeteve dhe pasi kalonin në doganë i shpërndanin drejt porositësve.