Çifti më trendi në Tajvan këto kohë, nuk janë as të rinj të famshëm dhe as influencerë adoleshentë. Bëhet fjalë për një çift 80 vjeçarësh që menaxhojnë një shërbim lavanterie dhe që janë bërë një sensacion në rrjet pasi modelojnë veshje të harruara. Chang Van 83 vjec dhe bashkëshortja e tij, 84 vjec, kanë mbledhur më shumë se 600 mijë ndjekës në Instagram gjatë muajit të shkuar pasi portretet e tyre si modelë, u bënë viralë. Ata madje janë shfaqur edhe në edicionin tajvanez të Vogue dhe Marie Claire. Cifti ka menaxhuar një lavanteri prej dekadash në një qytezë të vogël. Gjatë viteve, klientët kanë harruar ose nuk kanë mundur të marrin veshjet që kanë cuar për pastrim dhe cifti asnjëherë nuk ka menduar ti hedhë atje. Nipi i tyre, doli me idenë e përdorimit të këtyre veshjeve për të thyer monotoninë e ciftit.