Seanca për Sali Berishën në Gjykatën Kushtetuese që ishte parashikuar për tu zhvilluar këtë të martë, shty. Kreu I Partisë Demokratike kishte ankimuar vendimin e GJKKO duke kundërshtuar masën e sigurimit detyrim paraqitjeje. Berisha ka kundështuar masën e sigurisë, pasi sipas tij, për shkak se ishte deputet, do duhej që në fillim të ishte mbledhur Këshilli i Mandateve. Megjithatë SPAK është shprehur se kjo nuk ka qenë e nevojshme, pasi masa e dhënë ndaj tij nuk e pengon të vijojë aktivitetin e tij politik. Ish-kryeministri ndodhet në masën e sigurisë “arrest shtëpie” që prej datës 30 dhjetor të vitit të kaluar, masë kjo që iu ashpërsua pasi nuk respektoi masën e mëparshme detyrim paraqitje dhe ndalim i daljes jashtë vendit. Berisha dyshohet si pjesë e një hetimi për dyshimet për korrupsion gjatë privatizimit të kompleksit sportiv “Partizani” së bashku me dhëndrin e tij Jamarbër Malltezi. Ky i fundit dyshohet se ka përfituar shumën 5.4 milionë euro në mënyrë të parregullt, nga privatizimi i ish-kompleksit sportiv.