Vendet e BE mund ti përshpejtojnë refuzimet e kërkesave të azilit për personat që vijnë nga vende që konsiderohen si të sigurta. Ky është vendimi i Gjykatës Europiane të Drejtësisë, pas shqyrtimit të kërkesës së dy shtetasve nga Bangladeshi, të cilët u sollën në Shqipëri nga Italia, pasi u shpëtuan në det, nën protokollin e dakorduar mes Italisë dhe Shqipërisë. Sipas Gjykatës Europiane përshpejtimi mund të ndodhë vetëm nëse përcaktimi si vend ‘I sigurt I origjinës’ përmbush standardet strikte ligjore, dhe u mundëson aplikantëve dhe gjykatave të kenë qasje dhe t’i kundërshtojnë provat mbështetëse. Kushti i dytë i gjykatës parasheh që një shtet i origjinës mund të përcaktohet i “sigurt” nëse ofron mbrojtje adekuate për gjithë popullsinë, përfshirë minoritetet. Kujtojmëse se si një mënyrë për përshpejtimin e shqyrtimit të kërkesave për azil, Italia ka hartuar një listë shtetesh që I konsideron si të sigurta, e për këtë emigrantët nuk kanë të drejtë ligjore për të kërkuar mbrojtje ndërkombëtare. Lidhur me vendimin ka reaguar dhe Zyra e kryeministres së Italisë, Giorgia Meloni. Kryeministria përmes një deklarate shprehet se vendimi i gjykatës së BE-së është “befasues” dhe “dobëson politikat për të luftuar imigrimin ilegal masiv dhe mbrojtjen e kufijve kombëtarë”.