Dimal Basha, deputeti i Lëvizjes Vetëvendosje, do të mbajë postin e kreut të Kuvendit të Kosovës, për 4 vitet e ardhshme. Pro kandidaturës së Bashës votuan edhe një pjesë e deputetëve të Partisë Demokratike të Kosovës, krahas tre deputetëve të Aleancës për Ardhmërinë e Kosovës, ndërsa tij votuan 30 deputetë, përfshirë ata të Lidhjes Demokratike të Kosovës. Por kush është Dimal Basha, i cili ka nxitur shpeshherë edhe reagimet e organizatave për gjuhën e tij të ashpër ndaj mediave. Asociacioni i Gazetarëve të Kosovës, më 3 maj të vitit të kaluar, ka dënuar ‘replikën e Bashës’ ndaj një gazetareje, si intimidim politik. Në një rast tjetër, në një postim të dhjetorit 2024, Basha ka ftuar miqtë të shpërndajnë lajmet për arritjet e Qeverisë Vetëvendosje, duke u shprehur se “portalet argate nuk i shpërndajnë lajmet, aq më pak arritjet e qeverisë. Në postimet e tij gati të përditshme në Facebook, Basha ka vazhdimisht në shënjestër edhe partitë kundërshtare. Ai u drejtohet shpesh edhe me termin ‘Langarec’, ndërsa nuk mungojnë as akuzat ndaj tyre, për lidhje me krimin e organizuar. Emri i Dimal Bashës ka ngritur kontestime, ndërsa për disa është konsideruar si kandidatura me e dobët e Vetevendosjes për kryeparmalentar.