Drejtoria e Përgjithshme e Tatimeve ka njoftuar këtë të martë se janë përcaktuar procedurat për heqjen e gjobave të vendosura për shkak të mospagimit në afat të kësteve paraprake Tatimit mbi Fitimin, gjatë periudhës së gjendjes së fatkeqësisë natyrore për shkak të epidemisë së shkaktuar nga COVID-19. Bëhet fjalë 3-mujorin e parë 2020 dhe për gjobat të cilat janë llogaritur dhe kontabilizuar gjatë muajve Prill – Qershor 2020, periudhë e cila korrespondon me gjendjen së fatkeqësisë natyrore të shpallur me vendim qeverie më datë 24.3.2020. Sipas drejtorisë së përgjithshme të tatimeve kjo procedurë e faljes së gjobave bëhet në vijim të masave të marra për zbatimin e lehtësive fiskale për tatimpaguesit, gjatë situatës së emergjencës COVID-19 Ajo që është më e rëndësishme është fakti se si do veprohet me ata që tashmë I kanë paguar këto gjoba. Sipas njoftimit ata që i kanë paguar tashmë gjobat e vendosura për këtë arsye, do të kenë mundësi që shumën e paguar t’a përdorin për pagesën e detyrimeve tatimore të mëvonshme. Pra, shuma e gjobës do t’iu ulet nga taksat që kanë për të paguar.