Prokuroria e Tiranës ka rihapur dosjen e të burgosurit Shpëtim Karadakliu, për mungesën e trajtimit mjekësor të të cilit Shqipëria u dënua nga Gjykata e Strasburgut me plot 12 mijë euro. Çështja, e cila zgjati disa vite në gjykatat vendase e më pas në gjykatën europiane të të drejtave të njeriut u vu në lëvizje nga vëllai i të ndjerit Fatos Prizreni, nga ku mori dhe emrin çështja e Prizrenit kundër Shqipërisë. Shpëtim Karadakliu vuante nga sëmundja e elefantizmit dhe obezitetit dhe kishte një peshë 232 kilogramë. Si pasojë e peshës, Karadakliu vuante dhe nga insuficencë multi të organeve të tij, gjë që e bënte praktikisht të pamundur qëndrimin e tij në qeli. Si pasojë Shpëtim Karadakliu qëndroi në spital, ku Gjykata e Strasburgut ka konstatuar se nuk i është dhënë trajtimi i duhur mjekësor, duke rezultuar në humbjen e jetës të të bugosurit.