GJKKO rrëzon kërkesën e Jamarbër Malltezit dhe Argita Berishës për heqjen e sekuestrove të pasurive. Gjyqtarja Elsa Ulliri la në fuqi “ngrirjen” e një sërë pasurive të dhëndrit dhe vajzës se ish-kryeministrit Berisha në kuadër te dosjes “Partizani”. Malltezi dhe Berisha kërkonin lirimin nga sekuestroja të gati 25 pasurive të luajtshme e të paluajtshme, me pretendimin se nuk janë të barazvlefshme me produktin e veprës penale të dyshuar. Po sipas kërkuesve, disa prej pronave të bllokuara me vendim gjyqësore janë bashkëpronësi e Argita Malltezit, e cila nuk ka asnjë barrë penale në këtë çështje. Paralelisht me procesin për zhbllokimin e pasurive, Malltezi po përballet në gjykatën e posaçme edhe në procesin gjyqësore të nisur në themel. Ai ka akuzuar se ky proces është gjueti shtrigash e motivuar politikisht dhe ka akuzuar Prokurorinë dhe Gjykatën e Posaçme për manipulim të provave në të paktën 30 raste.