Princi i kurorës në jordani, Hussein bin Abdullah, u martua me arkitekten saudite Rajëa al Saif, në një ceremoni në të cilën morën pjesë mbretërore nga i gjithë globi. Ceremonia u mbajt në pallatin Zahran, në kryeqytetin Amman, vendi ku janë bërë edhe të tjera dasma mbretërore përfshirë atë të mbretit Abdullah II dhe Mbretëreshës Rania. Djali më i madh i mbretit, Al Saif, 28 vjec, lidhi kurorë në një ceremoni ku morën pjesë familjarët dhe 140 të ftuar, mes të cilëve zonja e parë e SHBA Jill Biden dhe princi e princesha e Uellsit, Uilliam dhe Kejt, që u shfaqën surprizë. Mbreti Abdullah II, në moshën 61 vjec, është në fron që nga 1999, dhe e ka përgatitur të birin për ta pasuar atë prej kohësh, duke e marrë atë me vete në vizita të rëndësishme dhe në takime. Princi Hussein u bë trashëgimtar froni në 2009, pasi i ati i hoqi titullin gjysmë-vëllait të tij Hamzah. Ky i fundit u vendos më pas nën arrest shtëpie pasi u akuzua për një komplot kundër mbretërisë në 2021 që tronditi të gjithë familjen mbretërore. Princesha e re Rajëa, ka lindur në Riad. Ajo rrjedh nga familja Al Sudairi e Najd, asaj që është bërë arabia saudite e sotme dhe është e njohur për lidhje të ngushta me familjen mbretërore saudite. Mes të ftuarve të tjerrë ishin edhe mbreti dhe mbretëresha e holndës, ai i belgjikës dhe danimarkës.Jordania gëzon stabilitet krahasuar me fqinjët e tjerë në lindjen e mesme. Mbreti jordanez ka fuqi të gjera politike në një vend me 11 milionë banorë, që është monarki parlamentare dhe ai është edhe lideri suprem i forcave të armatosura.