Pas zgjedhjeve presidenciale dhe parlamentare në Serbi, presioni ndaj Beogradit për t'iu bashkuar sanksioneve kundër Rusisë papritmas u rrit dhe për herë të parë gjatë krizës ukrainase pakënaqësi shfaqi edhe Moska. Gazeta e përditshmja e Moskës "Kommersant" thotë se Serbia po sulmohet nga të gjitha anët ndërkohë që si Perëndimi ashtu edhe Rusia janë të pakënaqur me Beogradin”. Gazeta shkruan se presidenti serb Aleksandar Vuçic, i cili u gjend në mes të zjarrit diplomatik mes dy palëve, dëshiron të ndërmarrë hapa drejt Perëndimit, por vështirë se do të largohet nga Rusia. Presioni ndaj Beogradit drejtohet nga Gjermania, e cila konsiderohet si partneri kryesor i Serbisë në BE, shkruan e përditshmja, duke shtuar se presidenti gjerman Ëalter Steinmeier në mesazhin e tij urimi drejtuar Vuçiqit javën e kaluar ka thënë se koordinimi i politikës së jashtme serbe me BE-në, veçanërisht ndaj Rusisë, përfshirë sanksionet, është vendimtar.