Gjermania i ka kërkuar Zvicrës që t’ia shesë asaj disa nga tanket e veta Leopard 2, përmes një marrëveshjeje që mund të lejojë Gjermaninë dhe vendet e tjera të rrisin ndihmën ushtarake për Ukrainën. Gjermania kërkon që Zvicra të shesë disa nga tanket te prodhuesi original i tyre, Rheinmetall, i cili do t'i lejonte kompanisë të mbështesë zbrazëtitë e krijuara në Bashkimin Evropian dhe tek anëtarët e NATO-s. Gjermania, Polonia, Portugalia, Finlanda dhe Suedia janë ndër vendet që po dërgojnë tanke Leopard për të ndihmuar Ukrainën të mbrohet kundër pushtimit rus, duke krijuar boshllëqe në arsenalet e tyre. Ministri gjerman i Mbrojtjes, Boris Pistorius dhe ministri i Ekonomisë Robert Habeck, informuan ministren zvicerane të Mbrojtjes Viola Amherd për projektin, përmes një letre të dërguar më 23 shkurt.