“Kontrolle të përhershme në kufi” dhe “çdokush që nuk ka dokumente të vlefshme nuk do të lejohet më të hyjë në Gjermani”, këto janë dy mocionet e grupit parlamentar të partive CDU/CSU për politikën e migracionit, për të cilat pritet të votojë Bundestagu gjerman. CDU/CSU kërkon një ndalim de facto të hyrjes në Gjermani për të gjithë personat që nuk kanë dokumente të vlefshme. Ndër pesë pikat që sipas CDU/CSU duhet të zbatohen menjëherë, bën pjesë edhe "arrestimi i menjëhershëm dhe mbajtja në paraburgim" e personave të cilët janë të detyruar të largohen nga Gjermania. Sipas grupit parlamentar duhet të rriten në mënyrë të konsiderueshme kapacitetet përkatëse të burgjeve në landet gjermane. Partitë CDU/CSU kërkojnë gjithashtu që landeve gjermane t'u jepet më shumë mbështetje për dëbimin personave çdo ditë, atyre që janë të detyruar për tu larguar. Policisë Federale t'i jepen më shumë kompetenca, si dhe të ashpërsohet e drejta e qëndrimit për kriminelët dhe për ‘persona e rrezikshëm’.