Tiani i vogel nga Kosova, u gjet pas 16 orësh në pyllin ku humbi e familja e te afermit e kerkuan pa ndreprerje me shpresen që te ishte mire. Historia e vogelushit që preku të gjitha at që dëgjuan për të, për fat të mirë pati një fund të lumtur. Lajmi i gjetjes së tij është dhënë nga biznesmeni dhe politikani, Behgjet Pacolli, i cili shkruajti në rrjetet sociale, se Astrit Kryeziu është heroi që gjeti Tianin 2-vjeçar në pyll. “Momenti kur heroi i sotëm, Astrit Kryeziu, gjeti Tianin e vogël në pyll. Askush nuk duhet të gjykojë prindërit. Kjo mund t’i ndodhë secilit!”, shkruan Pacolli. Tian Krasniqi, nga Tërpeza e Malishevës, u deklarua i humbur dje nga familja e tij. Familjarët kërkuan ndihmën e qytetarëve për gjetjen e tij. Policia, FSK-ja, ekipet e kërkimit të njësisë së zjarrfikësve dhe shpëtimit, e vullnetarë të shumtë u vunë në kërkim të vogëlushit, i cili për fat të mirë u gjet shëndoshë e mirë, pasi kishte kaluar natën fillikat i vetëm në mes të pyllit. Astriti qe gjeti vogelushin ka treguar strategjinë e kërkimit në momentin kur kishin arritur në vendin ku po kërkohej vogëlushi. Ai tha se kishin këmbëngulur që të kërkonin në vendin ku një prej kamerave të shtëpive aty pranë e kishte regjistruar Tianin për herën e fundit. Më tej Astriti ka thënë se bazuar në xhirimet e kamerës së shtëpisë kanë vlerësuar se Tiani nuk mund të ishte larguar më shumë se 1 kilometër, pasi ishte vetëm 2 vjeç. Ndërkohë kur janë afruar në një zone si të rrëpirtë dhe si grope kanë dëgjuar vogëlushin qe therriste nënën e tij dhe më pas kanë njoftuar personat e tjerë që ishin në kërkim për të shkuar në atë pjesë. Kryeziu thotë se Tiani ka dalë vetë nga ajo pjesë ku ishte futur dhe thotë se sipas të gjitha gjasave ka qenë duke fjetur.