Një ngjarje e rëndë ka ndodhur në fshatin Baicë të Lipjanit në Kosovë, ku është zbuluar një trup i pajetë i varrosur në një arë. Sipas mediave të Kosovës viktima është identifikuar nga familjarët si shtetasi Enver Bajraktari. Bazuar në informacionet e deritanishme trupi i pajetë është gjetur nga familjarët e viktimës, të cilët e kishin raportuar më parë si të zhdukur. Lidhur me rastin, është marrë dëshmia e katër personave dhe pritet të kryhet ekspertiza e nevojshme për të bërë të mundur zbardhjen e plotë të rrethanave të ngjarjes së rëndë. Policia dhe Prokuroria kanë nisur hetimet, ndërsa ende nuk janë bërë publike të dhëna mbi motivin apo ndonjë të dyshuar të mundshëm.