Aktori amerikan, fitues i çmimit Oscar, Gene Hackman, gruaja e tij Betsy Arakaëa dhe qeni i tyre janë gjetur të vdekur në shtëpinë e tyre në Santa Fe, Neë Mexico. Në një karrierë që zgjati më shumë se gjashtë dekada, Hackman mori dy çmime Oscar, dy Bafta, katër Golden Globes dhe një Çmim Screen Actors Guild. Një deklaratë nga Sherifi i Qarkut të Santa Fesë në Neë Mexico tha: "Ne mund të konfirmojmë se Gene Hackman dhe gruaja e tij u gjetën të vdekur të mërkurën pasdite në rezidencën e tyre në Sunset Trail. Ky është një hetim në vazhdim megjithatë, në këtë kohë ne nuk besojmë se bëhet fjalë për ndonjë krim". Sherifi i kontesë së Santa Fe-së, Adan Mendoza konfirmoi lajmin për mediat lokale pak pas mesnatës të së mërkurës se çifti kishte vdekur së bashku me qenin e tyre. Hackman ishte 95 vjeç dhe gruaja e tij 63. Ndonëse për momentin nuk mendohet se mund të bëhet fjalë për një akt kriminal ndaj tyre, zyrtyarët nuk kanë dhënë shkakun apo kohën e vdekjes. Hackman fitoi Oscarin për aktorin më të mirë për rolin e tij si Jimmy "Popeye" Doyle në thrillerin e Ëilliam Friedkin të vitit 1971 The French Connection, dhe një tjetër për aktorin më të mirë dytësor për rolin e Little Bill Daggett në filmin Ëestern të Clint Eastëood, Unforgiven në 1992. Ai ka luajtur më shumë se 100 role duke përfshirë Lex Luthor në filmat e Superman në vitet 1970 dhe 1980.