Kosova vijon të kërkojë trupat e pajetë të shqiptarëve të zhdukur gjatë luftës me Serbinë, të cilët pas vrasjes nga ushtria Serbe janë varrosur në varreza masive brenda e jashtë vendit. Së fundmi me vendim të gjykatës janë zhvilluar gërmime në varreza në fshatin Brekoc të Gjakovës, ku janë gjetur mbetje kockore të dyshuara se janë të një prej personave të zhdukur gjatë luftës. Lajmi është dhënë nga Policia e Kosovës, teksa eshtrat e gjetura janë dërguar për ekzaminim mjekoligjor.