Ekipet e Policisë, në koordinim me Institutin e Mjekësisë Ligjore dhe njësitë e tjera kompetente, kanë zbuluar mbetje eshtrash në komunën e Gjakovës. Sipas Policisë së Kosovës, dyshohet se eshtrat e gjetura I përkasin të paktën një individim, I cili figuron në listën e personave të zhdukur gjatë luftës së fundit në Kosovë, në periudhën 1998–1999. Mbetjet eshtrore janë tërhequr nga Instituti i Mjekësisë Ligjore dhe janë dërguar për ekzaminime të mëtejshme mjeko-ligjore, me qëllim të identifikimit të viktimës. Sakaq, vetëm tre javë më parë edhe në Rajonin e Rahovecit, Komisioni Qeveritar për Persona të Zhdukur njoftoi për gjetje mbetjesh kockore, që dyshohet se mund t’iu përkasin viktimave të luftës. Gjatë muajve të fundit, gërmimet e kryera në disa vendodhje në Kosovë, kanë sjellë zbulimin të mbetjeve eshtrash, që që dyshohet se u përkasin personave të zhdukur gjatë luftës së fundit në Kosovë më 1998/99. Gjatë luftës, u vranë afër u vranë afër 13 mijë persona, ndërsa rreth 1.600 vazhdojnë të jenë të zhdukur.