Dy fëmijët shqiptar të zhdukur, Kristian dhe Amantia Toska janë gjetur dhe janë në gjendje të mirë shëndetësore, por babai i tyre është arrestuar. Ky I fundit rezulton të jetë rrëmbzesi I të miturve, i cili ishte nën shoqërinë edhe të partneres së tij të re kur u arrestua në Caldas da Rainha, 90 kilometra larg Lisbonës në Portugali, I akuzuar nga mamaja e dy fëmijëve se ai i kishte rrëmbyer. Kristian dhe Amantia Toska u zhdukën nga Gjermania janarin e kaluar me babanë e tyre, ndërkohë që mamaja e tyre bëri denoncimin me vonese, nga frika, pasi ai e kishte kërcënuar se do t’i vriste nëse ajo do t’i kërkonte. Babai i të miturve u thirr në gjykatën e Tenerife më 1 qershor dhe nuk u paraqit, për të cilën u deklarua në mungesë. Babai deklaroi se ai do t'i kthente fëmijët dhe gjykata i dha atij 10 ditë për t'i dorëzuar ata, duke lëshuar një urdhër që ndalonte të miturit të largoheshin. Megjithatë, ai nuk e bëri këtë dhe autoritetet lëshuan një urdhër kontrolli dhe arrestimi. Pas arrestimit të tij, tani autoritetet e vendit Portugez kanë 10 ditë kohë për të verifikuar që krimet e parashikuara në urdhër arrestin ekzistojnë dhe pasi ta kenë bërë, ata do t'ia dorëzojnë Policisë Spanjolle në kufi me Badajoz.