“Rripi i Gazës është i mbushur me më shumë mbeturina lufte dhe rrënoja sesa Ukraina.” Kjo ka qenë deklarata më e fundit e Organizatës së Kombeve të Bashkuara, sipa ssë cilës pastrimi i kësaj zone do të jetë i kushtueshëm dhe i rrezikshëm, për shkak të sasisë së municioneve të pashpërthyera. Shërbimi i Kombeve të Bashkuara për Veprimin ndaj Minave vlerësoi se sasia sasia e mbeturinave në Gaza ka shkuar në 37 milionë tonë, ose 300 kilogramë për metër katror. “Këto rrënoja ka të ngjarë të jenë shumë të kontaminuar me municione të pashpërthyera, por pastrimi i tyre do të komplikohet edhe më tej nga rreziqe të tjera në rrënoja”, thuhej në prononcimin e përfaqësuesit të OKB-së për gazetarët. Dhe rreziku për punën e pastrimit nuk kufizohet vetëm në municionet e pashpërthyera, por përfshin ekspozimin e mundshëm ndaj substancave toksike si asbesti. Sakaq theksohet se ka mbi 800 mijë ton asbest vetëm në rrënojat e Gazës, një mineral ky shumë i rrezikshëm për mjedisin dhe shëndetin e njeriut Sipas ministrisë së shëndetësisë në territorin e drejtuar nga Hamasi ofensiva hakmarrëse e Izraelit kundër Hamasit ka vrarë të paktën 34,568 njerëz në Gaza, që nga sulmi i 7 tetorit, kryesisht gra dhe fëmijë,