Fustani i dasmës së princëshës Diana, në 1981, me princin Charles, është një nga sekretet e ruajtura më mirë në historinë e modës. Fustani ndezi aq shumë interes sa që stilistët e rinj, David dhe Elizaberth Emanuel, e kycën atë në një kasafortë brenda natës. Fustani i mëndafshtë, ngjyrë fildishi, kishte një vello 7.6 metra të gjatë. Por i dalë nga errësira, tani ai mund të shihet në një ekspozitë të modës mbretërore. Ekspozita, stili mbretëror, në pallatin e Kensingtonit, shtëpinë e Dianës deri në vdekjen e saj në aksidentin rrugor në Paris, në 1997, fokusohet tek puna e stilistëve që kanë veshur jo vetëm Dianën por edhe mbretëreshën Elisabetë, princeshën Margaret dhe mbretëreshën nënë. I dekoruar me tantella, perla dhe mijëra temina, velloja e fustanit të dianës ishte më e gjata në histori për një nuse në familjen mbretërore dhe sic mund të mbahet mend, ajo ishte e zhubrosur kur princesha doli nga karroca në katedralen e Shën Polit. Famirësisht, stilistët ishin aty pranë për të rregulluar gjithcka. Ekspozita nxjerr në pah po ashtu edhe stilin në ngritje personal të princeshës diana dhe evoluimin e garderobës së saj, nga vajzërore deri tek ajo e sofistikuar. Fustanet i janë ofruar ekspozitës nga djemtë e princeshës, Uilliam dhe Harry. Këtë korrik, diana do të kishte mbushur 60 vjec, dhe djemtë e saj pritet të prezantojnë një statujë të saj në një kopësht në pallatin e Kensingtonit.