Kryebashkiakja e Durrësit Emiriana Sako vijoi fushatën elektorale këtë të premte në zonën e Durrësit të ri, ku në një takim me gratë dhe vajzat shpalosi projektet të cilat janë në plan për tu ndërtuar në vijim. Sako u shpreh se në këto tre vite që ndodhet në krye të Bashkisë, zona e Durrësit të ri ka pasur vemendjen maksimale, kjo falë investimieve që janë kryer. Kandidatja e Bashkisë Durrës u ndal edhe te invesitmet që janë bërë në qytetin bregdetar në tre vitet e fundit, duke përmendur këtu ndërtimin e 744 shtëpive dhe apartamenteve nga e para, të cilat u dëmtuan nga tërmeti i 26 nnëntorit të vitit 2019. Sako shtoi se në zonën e ish Kënetës janë ndërtuar 3 akse të reja rrugore, ndërkohë që po mbyllet edhe rruga “Azem Hajdari” dhe “Vala e detit”. Kryebashkiakja e mbylli fjalën e saj, duke thënë se banorët janë njoftuar edhe për rikonstruksionin e shkollës “Dom Nikollë Kaçorri” si dhe ndërtimin e një kopshti dhe qendër të re shëndetësore.