Një postim në TikTok, ku tregohen bukuritë e Shqipërisë përfshirë këtu edhe plazhin e kristaltë të Ksamilit ka renditur Shqipërinë sit ë dytën në renditjen verore të AirBnB. Përshkrimi që shoqëron postimin flet për qytezën bregdetare që po vendoset gjithnjë e më shumë në hartën e turizmit global, falë bukurive natyrore, por edhe trashëgimisë kulturore e historike me Butrintin pranë. Vlen për t’u përmendur zona arkeologjike e Butrintit, që përfshin rrënojat e qytetit të lashtë ilir dhe është vetëm 5 km në jug. Ndërsa Syri i Kaltër, një burim karstik me ujëra kristal, thellësia e të cilit ende nuk dihet, është 40 minuta me makinë, në rrugën midis Sarandës dhe Gjirokastrës. AirBnB thotë se nga të gjitha destinacionet në këtë listë, Ksamili është padyshim qyteti më ekonomik. Çmimet për një apartament fillojnë nga 22 USD, jashtëzakonisht të lira për një natë në AirBnB.