‘Kosova ka ndërtuar një ushtri modern, profesionale dhe në përputhje me standardet e NATO-s’, ka deklaruar ministri I Mbrojtjes së Kosovës, Ejup Maqedonci. 18 vite pas shpalljes së pavarësisë, thotë ai, Kosova ka një ushtri të pajisur me sisteme moderne, dhe se vetëm vitet e fundit janë investuar mbi 450 milionë euro në sisteme armatimi. “Janë investuar mbi katërqind e pesëdhjetë milionë euro vetëm për blerje të sistemeve të armatimit”, deklaroi ai, duke shtuar se investimet kanë përfshirë edhe infrastrukturë, trajnime brenda dhe jashtë vendit, si dhe baza të reja ushtarake.