Uragani Beryl goditi Xhamajkën me erëra të forta dhe reshje shiu të mërkurën, duke vrarë të paktën një person, pasi mbolli kaos dhe shkatërrim nëpër ishujt më të vegjël të Karaibeve gjatë dy ditëve të fundit. Numri i viktimave të uraganit të fuqishëm të kategorisë 4, shkoi në të paktën 10, por pritet që të rritet edhe më tej pasi komunikimet po kthehen në internet nëpër ishujt e largët, të dëmtuar nga përmbytjet dhe erërat vdekjeprurëse. Në Xhamajka, syri i uraganit përshkoi bregun jugor të ishullit, duke goditur komunitetet, ndërsa grupet e emergjencave nxituan të evakuonin njerëzit nga zonat e rrezikuara. "Është e tmerrshme. Gjithçka është shkatërruar. Unë jam në shtëpinë time dhe i frikësuar," thotë Amoy Ëellington, një arkëtar 51-vjeçar që jeton në Top Hill, një komunitet bujqësor rural në Shën Elizabeth të Xhamajkës. Një grua humbi jetën në xhamajka pasi një pemë ra mbi shtëpinë e saj. Gati një mijë xhamajkanë ishin në qendrat e përkohshme të stregimit deri të mërkurën në mbrëmje. Aeroportet kryesore të ishullit u mbyllën dhe rrugët ishin kryesisht bosh pasi kryeministri Andreë Holness shpalli një shtetrrethim në të gjithë vendin, të mërkurën.