Komisariati i Policisë Vlorë ka finalizuar me sukses operacionin policor të koduar “Duo”, duke goditur një tjetër rast të armëmbajtjes pa leje. Në pranga ranë babë e bir, të cilët dyshohet se posedonin armë dhe municion në banesën e tyre në fshatin Mifol. Të arrestuarit janë Bledar Kristo, 49 vjeç, me precedent penal për të njëjtën vepër dhe djali i tij Kreshnik Kristo, 21 vjeç. Ata u kapën në flagrancë gjatë kontrollit të ushtruar nga forcat e policisë, pas informacioneve të siguruara nga inteligjenca informative. Nga kontrolli në banesë, shërbimet e Policisë sekuestruan 1 armë zjarri automatike me fishek në fole gati për qitje, 1 krehër me municion, rreth 200 gëzhoja si dhe një armë të ftohtë thikë. Rasti po hetohet nga prokororia e Vlorës, për veprime të mëtejshme ligjore ndaj të arrestuarve.