Disa linja ajrore kanë anuluar ose devijuar fluturimet për në Ukrainë mes frikës së shtuar se një pushtim nga Rusia është i afërt, pavarësisht bisedimeve intensive të fundjavës midis Kremlinit dhe Perëndimit. Linja ajrore holandeze, KLM, ka anuluar fluturimet për në Ukrainë deri në një njoftim të dytë. Ndjeshmëria holandeze ndaj rrezikut të mundshëm në hapësirën ajrore të Ukrainës është e lartë pas rrëzimit të një avioni malajzian në vitin 2014 mbi një zonë të Ukrainës lindore të udhëhequr nga rebelët e mbështetur nga Rusia. Të gjithë 298 personat në bord vdiqën, përfshirë 198 shtetas holandezë. Linja ajrore ukrainase Skajap tha të dielën se fluturimi i saj nga Madeira e Portugalisë për në Kiev u devijua në kryeqytetin moldav Kishinau pasi qiradhënësi irlandez i avionit tha se po ndalonte fluturimet në hapësirën ajrore të Ukrainës. Të shumta janë ndërkohë vendet që kanë lëshuar paralajmërime për qytetarët e tyre që ndodhen në Ukrainë, ose edhe kanë nisur evakuimet. Madje edhe vetë Rusia ka reduktuar stafin e saj diplomatik në Kiev, për shkak të, sic u shpreh ajo: frikës për provokime nga Ukraina.