Trupat e Vladimir Putinit i kanë thënë punonjëve në impiantin më të madh bërthamor në evropë, të marrin pushimet, e kjo ka ndezur frikën për një katastrofë bërthamore. Centrali i zaporizhias ka qenë në duart e forcave të putinit që nga fazat e para të luftës në Ukrainë, me botën që ka mbajtur frymën pezull për një tjetër makth rrezatimesh. Ministria ukrainase e mbrojtjes ka thënë se stafit në central i është kërkuar të marrë pushimet në mesin e frikës se putin mund të inskenojë një sulm provokues. Kjo vjen pasi rusia besohet se ka vendosur pajisje ushtarake brenda në central, e konfirmuar kjo nga inteligjenca kanadeze. Autoritetet në ukrainë po përgatiten ndërkohë për një katastrofë të ngjashme me atë të cernobilit në zaporizhia pasi centrali atje është në buzë të greminës. Ukraina ka bërë stërvitje për raste aksidentesh bërtnamore në qytetin e bombarduar të Zaporizhias, afër centralit në duart e rusëve. Një hartë e tmerrshme ndërkohë ka treguar se një rrjedhje bërthamore nga centrali do të përhapej me qindra kilometra largësi dhe do të prekte 13 shtete. Edhe vetë ministria ruse e mbrojtjes paralajmëroi këtë javë se një aksident i mundshëm do të conte rrezatime radioaktive deri në gjermani.