Kompanitë shtetërore kineze të naftës kanë pezulluar blerjet e naftës ruse përmes rrugëve detare, pasi Shtetet e Bashkuara vendosën sanksione ndaj Rosneft dhe Lukoil, dy kompanive më të mëdha të naftës në Moskë. Reuters shkruan se ky veprim vjen ndërsa rafineritë në Indi, blerësi më i madh i naftës ruse të transportuar nga deti, janë gati të ulin ndjeshëm importet e tyre të naftës bruto nga Moska, për të shmangur sanksionet e vendosura nga Donald Trump. Parashikimi është që një rënie e ndjeshme e kërkesës për naftë nga dy klientët më të mëdhenj të Rusisë do të ushtrojë presion mbi të ardhurat e naftës së Moskës dhe do t'i detyrojë importuesit kryesorë në botë të kërkojnë furnizime alternative dhe të rrisin çmimet globale. Kina importon afërsisht 1.4 milion fuçi naftë ruse në ditë nga deti. Pjesa më e madhe e kësaj sasie rishitet te rafineri private dhe vende të tjera, përfshirë këtu edhe Indinë.