Artikuj nga sitcom-i ikonik i viteve '90, "Friends", duke përfshirë kostumet e veshura nga të pesë anëtarët e kastit, do të dalin në ankand këtë muaj në 30 vjetorin e shfaqjes. Ankandi, i organizuar nga Ëarner Brothers dhe shtëpia e ankandeve Julien's, përfshin pulovra të veshura nga Jennifer Aniston dhe i ndjeri Mattheë Perry, që luajtën "Rachel" dhe "Chandler" në komedinë hit. "Njerëzit tashmë po bëjnë oferta për to. Dhe shumë nga veshjet tashmë kanë shkuar shumë më lart se vlerësimet. Njerëzit janë vërtet të ngazëllyer për këto artikuj", tha Ben Raphael Sher, një specialist i shtëpisë së ankandeve Julien's, që tashmë është hapur në internet. Ofertat për artikujt duhet të paraqiten përpara ankandit që do të mbahet 23 shtator. Loti gjithashtu përmban një riprodhim zyrtar të divanit të Ëarner Brothers dhe tabelës së kafenesë së njohur të shout, "Central Perk", që tashmë kanë kapërcyer vlerësimet para ankandit. "Ka një mori artikujsh. Çdo koleksionist i 'Friends' do të jetë, shumë i interesuar për të shtënë në dorë një të tillë", tha Sher. Ankandi, i cili zhvillohet fizikisht në Julien's Studios në Gardena, Kaliforni dhe në internet, përmban gjithashtu kostume të veshura nga yjet e ftuar të "Friends", duke përfshirë Susan Sarandon dhe Bruce Ëillis.