Prodhimi i energjisë elektrike nga parqet fotovoltaike u rrit me 2.3 herë në tremujorin e parë të këtij viti krahasuar me të njëjtën periudhë të vitit të kaluar. Të dhënat e publikuara nga Instat tregojnë se kategoria prodhues të tjerë, ku nuk përfshihen hidrocentralet publike, private dhe ato me koncesion ka gjeneruar 288 gigavat energji elektrike nga janari deri në fund të marsit të këtij viti. Prodhimi i tyre në të njëjtën periudhë të vitit të kaluar ishte 125 gigavat. Megjithatë, prodhimi i energjisë elektrike në total ka rënë me 4.6 për qind në krahasim me vitin e kaluar, duke konfirmuar sezonin jo të mirë hidrik. HEC-et private dhe ato me koncesion kanë prodhuar sasinë më të madhe, 43.5 për qind të totalit, ndërsa ato publike rreth 40 për qind. Konsumi i energjisë u rrit me 3.3 për qind. Rritja u faturohet konsumatorëve familjarë me 10 për qind, ndërsa në kategorinë e bizneseve ajo ka rënë me 3 për qind, duke pasqyruar prirjen e sipërmarrjeve për të investuar në panele diellore për vetëprodhim energjie.