Kryeministri i Kosovës, Albin Kurti kërkoi nga Gjykata Kushtetuese që të dalë sa më shpejt me një vendimmarrje në lidhje me ligjin për ngritjen e fondit sovran të Kosovës. Ai tha se çdo vonesë përkthehet në kosto për zhvillimin e vendit. Sinkron kurti - “Kanë kaluar një vit e gjysmë që e kemi miratuar në qeveri projektligjin që i hap rrugë themelimit të fondit. Në dhjetor të vitit 2023 në Kuvendin e republikës e kemi miratuar Ligjin për Fondin Sovran të Republikës së Kosovës. Kurse muajin tjetër bëhen një vit prej kur Ligji është në sirtarët e Gjykatës Kushtetuese. Çdo ditë që po kalon është kohë e humbur dhe jashtëzakonisht e vlefshme meqenëse po pengohet shteti jonë në një kohë të ndryshimeve dhe mundësive të mëdha në ekonominë botërore, teksa ne shënojmë rritjen më të madhe ekonomike të shoqëruar me progresin më të lartë demokratik”