Policia shtoi përforcimet këtë të shtunë në mbështetje të fadromave të Inspektoriatit Kombëtar të Territorit, që ka ndërmarrë aksionin e prishjes së ndërtimeve pa leje në zonën e Thethit. Veç grupeve të patrullës së gatshme dhe forcave Shqiponja, në terren zbritën edhe Forcat e Ndërhyrjes së Shpejtë dhe ato speciale, RENEA. Në krah të protestuesve u radhitën edhe deputetët e opozitës në Qarkun e Shkodrës, Luçiano Boçi dhe Bardh Spahia. Këta të fundit u përballën me drejtorin e sapo komanduar të policisë së Shkodrës, Gentian Berberi. Efekt bardh spahia dhe liciano boci – ca the ti legen? Hajde këtu se qenke i fortë ti Një ditë më parë, mjetet e IKMT u goditën me molotov pranë vendit të njohur si ura e fshatit Gjelaj. Flakët dëmtuan pjesërisht mjetin, por nuk shkaktuan persona të lënduar. Aksioni në Theth vijon prej gati një jave, kur kryeministri Edi Rama denoncoi një rast, që sipas tij edhe pse policia e kishte referuar në Prokurori, nuk ishte nisur asnjë hetim për ndërtim pa leje.