Shkrimtarja e Flutura Açka ishte një nga emrat surprizë të përfshira në listat shumëemerorë të PD në qarkun e Tiranës. Açka madje ishte përzgjedhur si figura që do të hapte zyrtarisht fushatën e PD në 25 mars në sheshin nënë tereza. Një emer i njohur për publikun përmes librave të saj në poezi dhe prozë, Açka ka ndërmarrë një fushatë të gjerë takimesh në Elbasan, qytetin ku është lindur dhe rritur dhe që siç thotë edhe vet në postime nga këto aktivitete dhe deklarimet e saj, e lidhin kaq shumë kujtime. Poetja dhe shkrimtarja, tashmë në posicionin e kandidatëve, po përpiqet të njoh nga afër jetën e qytetarëve, dhe problematikat me të cilat ata përballën në përditshmëri. E ardhur në këtë garë elektorale nga sfidat e vështira me të cilat e përballi jeta personale, Flutura Açka ka përcjellë me imazhin e saj, figurën e një gruaje të fortë që del përtej goditjeve të rënda të jetës. Në qëndrimet e saj publike në këtë kohe fushate Flutura Açka ka pohuar se vendosi të pranonte kandidimin pasi nuk mund të rrinte indiferente ndaj vendit të saj, dhe donte të jepte konributin e saj për t’u dhënë njerëzve besim dhe shpresë për të ardhmen. “Ka qënë një ardhje e natyrshme e imja, që I shkonte statures time personale, ose statusit tim aktual. Atë që deri dje e kam parë si një mur të fortë të ftohtë dhe të pandryshueshëm, mendova se erdhi koha të hyj nga brenda dhe të mund të ndryshoj mekanizmin, zemrekun. Kam arritur të kaloj këtë barrier, të pakëshillueshme për njerëzit e letrave, artistëve, shkrimtarëve, të cilët kanë një profli publik, që ndoshta duhet të mos përfshihen në politikë, por në rastin tim për shkak të pjekurisë time personale, pasi kam një emër mund të bëjë punë dhe të ndihmoj në një farë ndryshimi. Ishte një gjë që duhet ta bëja” tha Açka në një prej deklarimeve të saj në nisje të fushatës.