Një fluks i madh automjetesh është shënuar në pikën kufitare të Kapshticë mëngjesin e kësaj te premte. Shtetasit shqiptarë të cilët jetojnë në Greqi, janë drejtuar drejt vendit tonë për të festuar Pashkët ortodokse të dielën. Në pikën kufitare të Kapshticës po punohet me 4 sporteve në hyrje, ndërsa 2 sportele të tjera po punojë në dalje, duke qenë se numri i automjetve që drejtohen drejt Greqisë është i vogël. Ndonëse po punohetme 4 sporteve në hyrje, fluksi i automjeteve nuk ka munguar përgjatë gjithë paraditës, ndërsa situata pritet të jetë e njëjtë edhe gjatë pasdites. Edhe në ditët në vijim deri të dielën, pritet të ketë fluks të lartë automjetesh në pikën kufitare të Kapshticës, ku pas pak ditësh qëndrimi shqiptarët që jetojnë në Greqi rikthehen sërish atje për të vijuar jetën e përditshme. Gjatë 24 orëve të fundit,në Kapshtivcë kanë hyrë mbi 5 mijë qytetarë. Edhe në Kakavijë, thuajse paraqitet e njëjta situatë.