Për dy muaj, Drejtoria e Përgjithshme e Transportit Rrugor ka vënë në lupë për dy muaj 70 autoshkolla që ushtrojnë aktivitetin në territorin e Tiranës. Shifrat e publikuara nga verifikimet tregojnë një numër të lartë subjektesh që e ushtronin veprimtarinë e tyre jo në përputhje të plotë me parashikimet ligjore, vendimet e Qeverisë dhe udhëzimet e Drejtorisë së Transportit Rrugor. Më konkretisht, nga 70 subjekte, në 66 prej tyre u gjetën 185 raste mangësish. Nga kjo kategori, 53 korrigjuan mangësitë brenda afateve ligjore, ndërsa me pjesën tjetër drejtoria mori masa disiplinore dhe administrative, duke propozuar deri edhe heqje licence në tre raste. Por, nga të dhënat e verifikimit të drejtorisë së përgjithshme të transporteve rrugore shqetësuese janë të ato që kanë të bëjnë me sigurinë e automjeteve me të cilat këto subjekte ushtrojnë aktivitetin e tyre.