Specialistët për hetimin ekonomik dhe financiar zbuluan se në një argjendari në kryeqytet bizhuteritë që reklamoheshin për tu shitur, ishin futur kontrobandë në vendin tonë. Argjendaria e cila ndodhet në rruëgën Muhamet Gjollesha ishte në pronësi të 50 vjecares Donika Bengaj, ndërsa kjo e fundit ndihmoj në këtë biznes edhe nga djali i saj 28 vjecar Izmir Bengaj. Ky i fundit u shpall në kërkim nga shërbimet policore, ndërsa prokuroria e Tiranës ka nisur hetimet për 30 vjecaren Donika Bengaj, për kryerjen e veprave penale “Fshehja e të ardhurave”, ”Kontrabanda me mallra të tjerë” dhe ”Tregtimi dhe transporti i mallrave që janë kontrabandë”. Operacioni policor i cili u zhvillua nën drejtimin e organit të akuzës, coi në sekuestrimin e aksesorëve prej argjendi me peshë 9830 gram, të cilat nuk kishin fatura tatimore e doganore dhe dyshohet se ishin të kontrabanduara.