Qindra zjarrfikës grekë vijojnë prej orësh betejën me flakët që kanë shpërthyer në lindje të Kretës. Zëdhënësi i Shërbimit Zjarrfikës, ka sqaruar se ka disa fronte, pasi erërat e forta që kanë shkaktuar në det dallgë me fuqi deri në 9 ballë. Erërat kanë krijuar vorbulla që shpërndajnë zjarrin në vatra të reja dhe duke vështirësuar punën e zjarrfikësve. Flakët kanë djegur gjithë natën sipërfaqe bujqësore dhe pyjore për shumë kilometra dhe arritën deri pranë shtëpive dhe serrave. Në operacion janë angazhuar mbi 230 zjarrfikës dhe 13 njësi të specializuara pyjore, 46 automjete, 3 helikopterë, cisterna uji të bashkisë dhe privatëve, si dhe makineri ndërtimi.