Përmbyllja e numërimit për zgjedhjet vendore të së dielës në Maqedoninë e Veriut tregon një fitore dërrmuese të koalicionit në pushtet, VMRO-DPMNE, teksa mes shqiptarëve koalicioni VLEN është në avantazh ndaj Aleancës Kombëtare për Integrim, drejtuar nga BDI e Ali Ahmetit. Të dhënat paraprake nga Komisioni Shtetëror i Zgjedhjeve tregojnë se koalicioni i së djathtës ka fituar në raundin e parë 34 nga 80 komuna në total dhe në 19 komuna të tjera është në avantazh në balotazhin që pritet të mbahet. Koalicioni shqiptar që është aktualisht në qeverinë e Shkupit, VLEN ka siguruar 5 komuna, përfshirë Çairin dhe ndërsa në Tetovë dhe katër komuna të tjera është në balotazh me Aleancën Kombëtare për Integrim.