Zjarri që përfshiu pasditen e së enjtes një sipërfaqe pyjore me pisha në zonën malore mes fshatrave Gjinaj dhe Domaj, njësia administrative Gjinaj, Bashkia Has, është shuar plotësisht. Flakët përfshinë një territor të konsiderueshëm pyjor dhe rrezikuan përhapjen në zonat përreth, por ndërhyrja e koordinuar e strukturave vendore bëri të mundur izolimin e tyre. Në operacionin për shuarjen e zjarrit u angazhuan 10 punonjës të Shërbimit Pyjor,5 forca të MZSH Has me një automjet zjarrfikës,4 efektivë të Policisë së Shtetit,7 punonjës të Bashkisë Has dhe 10 vullnetarë nga komuniteti.