Përplasjet mes fermerëve dhe forcave të rendit shënuan këtë të martë ditën e dytë të protestave të mëdha në Greqi. Sipas mediave greke, fermerët e Kretës kanë paralajmëruar se javën e ardhshme, nga 8 dhjetori do të mbyllin edhe aeroportet dhe portet, pavarësisht paralajmërimit të rreptë të Ministrit të Mbrojtjes së Qytetarëve, se do të ketë pasoja. Pak para orës 12 të mesditës së të martës, blegtorët nga Thesalia hynë në qendër të Larisës me traktorë. Në shenjë proteste kundër politikës së qeverisë në sektorin bujqësor, ata hodhën qumësht dhe grurë.