Fushata e korrjes së grurit ka nisur në kosovë dhe sezoni duket se ka sjellë rendiment të lartë. Por, ndryshe nga viti i kaluar, fermerët kosovarë janë të zhgënjyer me cmimin e ulët të shitjes së grurit. E ndërkohë, ata nuk kanë marrë ende asnjë subvencion nga ministria e bujqësisë. Mazreku: 0.17 euro - centë një kilogram grurë, nuk kemi vullnet për me “Rendimenti është mesatar 5.5 ton, por nuk jemi të kënaqur me çmimin, është shumë i dobët, është diku 17-18 cent…Vitin e kaluar po, këtë vit ende nuk kemi marrë… Është shumë i shkëlqyeshëm viti 2025…Vitin e ardhshëm nuk të jep edhe vullnet për me mbjellë, nëse është 17 cent…. Vitin e kaluar ka qenë 21-20 (centë kiliogrami), ne kemi prit për këtë vit me qenë 22 për 23” Sejdiu: Mua personalisht më janë djegur përafërsisht 12 hektarë me grurë “Kemi filluar korrjet prej datës 25 qershor, kemi përfunduar deri më tash rreth 12 fshatra në komunën e Prizrenit, Suharekës dhe tash jemi në komunën e Rahovecit. Sot është dita e fundit, jemi me shtatë autokombaja. Çmimi i naftës për autokombaja është i shtrenjtë, është njësoj si për ata me vetura luksoze, 1.18-1.20 euro për një litër naftë për momentin… Ekspertët kërkojnë nga institucionet reagim të menjëhershëm për të siguruar që fermerët të marrin ndihmën që u takon dhe një cmim të drejtë.