Presidenti Ilir Meta ishte i pranishëm gjatë ceremonisë për Shpalljen e Levizjes Kombëtare, “Ne jemi 1”, e cila ka si synim ndalimin e dhunës dhe shfrytëzimit seksual të fëmijëve në Shqipëri. Meta shprehu mbështetjen e tij për zhvillimin e politikave efikase, parandaluese dhe denoncuese për të mbrojtur fëmijët. Sipas presidentit, rastet e abuzimit me fëmijë trondisin shoqërinë, por autorët harrohen shpejtë. Kreu i shtetit ka theksuar se rritja e ndëshkueshmërisë është çelësi i suksesit për të ardhmen. “Si president i republikës do të jem krah tuaj dhe të punojmë të gjithë së bashku për të zhvilluar politika efikase, parandaluese, denocnuese dhe mbi të gjitha politika më të forta ndëshkuese, sepse ne jemi dëshmitarë se shoqëria tronditet kur ndodh një ngjarje, mediat e pasqyrojnë maksimalisht, por më pas e harrojmë dhe nuk kemi asnjë bilanc se cfarë ka ndodhur me autorët dhe sa ka qenë shkalla e dënimit të tyre