Qëndrimet e udhëheqësit të Reform UK Nigel Faragë dhe anëtarëve të kësaj partie sa I takon shifrave të emigrantëve kanë rikthyer edhe njëherë debatet pasi sipas ambasadës shqiptare në Londër, po përdoren statistika të pasakta. Në një postim në platformën X, ambasadori I Shqipërisë në mbretërinë e Bashkuar Uran Ferizi njoftoi se ka pasur një takim me Nigel Faragë për t’i thënë se po përsëriste informacione të rreme, duke pretenduar se një në 50 shqiptarë në Britani ndodhej në burg. “Është krejtësisht e pavërtetë, dhe megjithatë po përsëritet në GB Neës dhe nga politikanët tuaj”, theksoi ambasadori Uran Ferizi, i cili po merr pjesë në konferencën e Reform UK. Sipas The Guardian diplomati shqiptar e ka quajtur një keqinterpretim të statistikave zyrtare. "Është keqinterpretim i statistikave zyrtare të cilat merren dhe përdoren për të dalë me pretendime të ndryshme që nuk kanë asnjë ngjashmëri me realitetin.", mësohet se ka thënë ambasadori sipas The Guardian. Kryeministri i Shqipërisë, Edi Rama, tashmë është përplasur me Farage në internet në lidhje me përdorimin e shifrës nga udhëheqësi i Reform UK. “Gjithashtu, unë argumentova se shqiptarët ishin një shembull shumë i mirë i njerëzve që integrohen mirë në Britani. Ata punojnë shumë, mësojnë gjuhën, zakonet dhe rregullat e vendit. I thashë se ishte thellësisht e padrejtë për një vend që krenohet me drejtësinë dhe ai dukej se e vlerësonte këtë.”, pohoi diplomati para babait të Brexit Nigel Farage I cili sipas sondazheve mund të jetë fituesi I radhës I zgjedhjeve.